അമാവാസി
ജയിൽ
ജീവിതം അനുഭവിക്കുന്ന കുറ്റവാളികളുടെയും ,വനിതാ തടവുകാരുടെയും , അവരുടെ
സംരക്ഷണചുമതല വഹിക്കുന്ന പോലിസുകാരുടെയും, ഇവർക്കിടയിൽ കടന്നു വരുന്ന ഒരു
യുവ ഡോക്ടറുടെയും ജീവിതം വരച്ചു കാട്ടുന്ന മാധവിക്കുട്ടി,കെ.എൽ.മോഹനവർമ്മ
കൃതിയാണ് 'അമാവാസി'.
തന്റെ
ഏക മകനായ നിത്തോൻ രാജ്യത്തിലെ തന്നെ ഏറ്റവും ഭീകരരായ സ്ത്രീകളെ
ശിക്ഷിക്കുന്ന ജയിലിൽ ,പഠനശേഷം ആദ്യമായി നിയമിതനായതറിഞ്ഞ്
പരിഭ്രമിക്കുന്ന അമ്മയുടെ ചിത്രത്തോടെയാണ് നോവൽ ആരംഭിക്കുന്നത്.വലിയ
മതിലുകൾക്കപ്പുറം മനുഷ്യഗണത്തിൽപ്പെട്ട ജീവികൾ ഉണ്ടെന്നുത്തന്നെ
പുറംലോകത്തിനറിയാത്തവിധം നിഗൂഢമായ ജയിലിൽ പ്രവേശിക്കുന്ന കഥാനായകനോടൊപ്പം,
വായനക്കാരനെയും എഴുത്തുകാർ ആ പഴകിയ രക്തഗന്ധമുള്ള ജയിൽ വളപ്പിന്റെ
ഭാഗമിക്കുന്നു.ആദ്യമായി നിത്തോൻ അവിടെ നേരിട്ട പ്രതിസന്ധി രൂപത്തിൽ മാത്രം
സ്ത്രീ എന്ന് തോന്നിപ്പിക്കും എന്നതൊഴിച്ചാൽ തികച്ചും ഒരു പൗരുഷം
നിറഞ്ഞതും കർശനക്കാരിയുമായ ബോണിക്ക വിശ്വാസായിരുന്നു.ഇവരെ കൂടതെ ആ ജയിലിൽ
പരമാധികാരം ഉണ്ടായിരുന്ന വ്യക്തിയായിരുന്നു നിപാ ഗ്യാംഗുലി.ഇവരുടെ സഹായി
ഗുലൂ , തൊഴിലാണ്ഭഗവാൻ എന്നും അതിനാൽ അത് കൃത്യമായി നിർവഹിക്കുന്നതിനായി
എത്രമേൽ ക്രൂരനാകുന്നതിലും തെല്ലും കുറ്റബോധം വരേണ്ടതില്ല എന്നും
അടിയുറച്ച് വിശ്വസിക്കുന്ന പോലീസുകാരനാണ്.
നിത്തോൻ ആദ്യമായി അവിടെ ചികിത്സിക്കേണ്ടി വന്നത് ഒരു മൃതദേഹത്തെയായിരുന്നു. ശരീരമാസകലം
പോലിസുകാരുടെ ബൂട്ടുകളുടെ മുദ്രകൾ പതിഞ്ഞ, പഴകിയ ചോരയുടെ ഗന്ധം പേറി
കിടന്നിരുന്ന ആ ശവത്തോടു നീതികാണിക്കാൻ അയാൾക്കായില്ല, വെറും സ്വാഭാവിക
മരണമായി അതു മാറ്റി എഴുതാൻ അയാൾ നിർബന്ധിതനാകുന്ന കഥാസന്ദർഭങ്ങൾ, നമ്മുടെ
സാമൂഹിക ചങ്ങലകൾ എങ്ങനെയാണ് ഒരു സത്യസന്ധനെ തെറ്റിലേക്ക് നയിക്കുന്നത്
എന്നതിന്റെ ചിത്രീകരണം കൂടിയാണ്.
നോവലിന്റെ
ആദ്യ ഭാഗത്തിന്റെ മുഖഛായയെ കൂടുതൽ ഊന്നിപ്പറയും വിധമാണ് രണ്ടാം ഭാഗത്തിൽ
കടന്നു വരുന്ന ഹേമലത എന്ന നക്സ്ലേറ്റ് സ്ത്രീയും അവർ അവിടെ അനുഭവിക്കുന്ന
ക്രൂരമായ പീഡനങ്ങളും കഥയിൽ സന്നിവേശിപ്പിച്ചിരിക്കുന്നത്. വളരെ ഏറെ
മുറിവുകൾ ഏറ്റ് ജീർണിച്ച ഹേമലത യുടെ ശുശ്രൂഷ നിത്തോൻ ഏറ്റെടുക്കുകയും,
ഹേമലതയുടെ ജീവനറ്റ കണ്ണുകളോടു ആദ്യം തോന്നിയ സഹതാപം പ്രണയമായി വഴിമാറുകയും
ചെയുന്നു.ഒരു നക്സൽ സ്ത്രീയുടെ ഭൂതകാലവും സ്ത്രീകൾ അനുഭവിക്കുന്ന സാമൂഹിക
പ്രതിസന്ധികളും വിവരിക്കുന്നതിലൂടെ നാം പലപ്പോഴും അവഗണിക്കുന്ന സാമൂഹിക
യാഥാർഥ്യങ്ങളെക്കൂടി ഈ കഥ വരച്ചുകാട്ടുന്നു.
സമൂഹത്തിന്റെ
വിവിധങ്ങളായ മനോഭാവങ്ങൾ ഒരോ കഥാപാത്രത്തിലൂടെയും വ്യക്തമാക്കിതരുന്ന ഈ
പുസ്തകം, നമ്മൾ അടങ്ങുന്ന സമൂഹത്തിന്റെയും,നാം അറിയാൻ താൽപ്പര്യം
കാണിക്കാത്ത ഒരു ജനതയുടെയും കഥകൾ മനോഹരവും, ലളിതവും ആയ ഭാഷയിലുടെ
വ്യക്തമാക്കുന്നു.
ഗൗരി .ബി
HA2
